Тұрақты дамуды басқару тәсілі
Қоғам 2015 жылы БҰҰ Бас Ассамблеясы қабылдаған орнықты дамудың 17 мақсатын толық қолдайды, оның 8-і қоғамның орнықты дамуы жөніндегі саясаттың негізіне алынды
БҰҰ-ның жаһандық шартының қағидаттарын мойындай отырып, Қоғам өз қызметінде мынадай қағидаттарға берілгендігін мәлімдейді:
|
Адам құқықтарын қорғау саласында |
халықаралық деңгейде жарияланған адам құқықтарын қорғауды қамтамасыз етеді және құрметтейді; адам құқықтарының бұзылуына қатысы жоқтығын қамтамасыз етеді. |
|
Еңбек қатынастары саласында |
жиналыс бостандығын қолдайды және ұжымдық шарттар жасасу құқығын таниды; міндетті немесе мәжбүрлі еңбекті жоюға ықпал етеді; балалар еңбегін жоюға ықпал етеді; еңбек және жұмыспен қамту саласындағы кемсітушілікті жоюға ықпал етеді. |
|
Қоршаған ортаны қорғау саласында |
қоршаған ортаға жағымсыз әсерлердің алдын алуға ықпал етеді; бастамаларды қабылдайды және экологиялық жауапкершіліктің таралуына ықпал етеді; экологиялық қауіпсіз технологияларды дамытуға және таратуға жәрдемдеседі. |
|
Сыбайлас жемқорлыққа қарсы күрес саласында |
сыбайлас жемқорлықтың барлық түрлеріне және басқа да заңсыз әрекеттерге, соның ішінде бопсалау мен парақорлыққа төзбеушілік туралы мәлімдейді. |
"Самұрық-Қазына" АҚ Корпоративтік басқару кодексіне, қоғамда орнықты даму саласындағы саясатқа сәйкес орнықты даму саласындағы басқару жүйесі құрылды, оған мыналар кіреді:
- Директорлар кеңесі, атқарушы орган және қызметкерлер деңгейінде орнықты даму қағидаттарын ұстану;
- үш компонент бойынша ішкі және сыртқы жағдайды талдау (экономика, экология, әлеуметтік мәселелер);
- әлеуметтік, экономикалық және экологиялық салалардағы орнықты даму саласындағы тәуекелдерді анықтау;
- мүдделі тараптардың картасын құру;
- орнықты даму саласындағы мақсаттар мен тиімділікті айқындау, іс-шаралар жоспарын әзірлеу және жауапты тұлғаларды айқындау;
- тәуекелдерді басқару, жоспарлау, адам ресурстарын басқару, Инвестициялар, есеп беру, операциялық қызмет және басқаларын қоса алғанда, негізгі процестерге, сондай-ақ Даму стратегиясы мен шешім қабылдау процестеріне тұрақты дамуды интеграциялау;
- тұрақты даму саласындағы лауазымды тұлғалар мен қызметкерлердің біліктілігін арттыру;
- тұрақты даму саласындағы іс-шараларға тұрақты мониторинг жүргізу және бағалау, мақсаттар мен тиімділікке қол жеткізуді бағалау, түзету шараларын қабылдау, тұрақты жақсарту мәдениетін енгізу.