Жайлы мектеп құрылысы аяқталуға жақын
Арқалықта екі жылдық “Жайлы мектеп” ұлттық жобасымен салынып жатқан мектеп құрылысы аяқталуға таяу. Бүгінгі таңда мұнда 150-ге жуық адам жұмыс істеп жатыр.
Мектептің сыртқы және ішкі жұмыстары аяқталу шегінде. Құрылысшылар қабырғаларды сырлау, әктеу, еденге линолеум төсеу сынды жұмыстарға жұмылдырылған. Электр желілерінде де ұсақ-түйек шаруалар қалған.
«Мүмкіндік болып жатса, одан да ертерек бітіріп береміз. Құрылыс материалдары, маман, техника күші жеткілікті»,-дейді құрылыс мердігері «Алюминстрой» ЖШС бас директоры, Қазақстанның құрметті құрылысшысы Абай Мұқанов.
Нысанның жылу, су, кәріз, электр жүйелері іске қосылған. Төбе жұмыстары аяқталды. Маңайы асфальтталып, сырмақтас төселді.
https://kostanaytany.kz/zhajly-mektep-qurylysy-ayaqtalwgha-zhaqyn/