Ақмола облысында білім беру саласындағы 24 нысанның құрылысы жүргізілуде
КӨКШЕТАУ. ҚазАқпарат - Ақмола облысында білім беру саласындағы 24 нысанның құрылысы жүргізілуде, деп хабарлайды ҚазАқпарат тілшісі.
Облыстық құрылыс, сәулет және қала құрылысы басқармасының мәліметінше, Ақкөл, Аршалы, Біржан сал, Сандықтау, Целиноград аудандары мен Степногор және Көкшетау қалаларында 5,6 мың орындық 14 мектеп, 1,2 мың орындық 5 балабақша, 1,2 мың орындық 4 жатақхана салынуда.
«Облыс бойынша 24 білім беру нысаны салынуда. Биылғы жылы 2,8 мың оқушыға арналған 9 мектептің құрылысын аяқтау жоспарда бар. Оның ішінде оқу процесі басталғанға дейін Ақкөл, Аршалы, Целиноград аудандарында және Қосшы және Көкшетау қалаларында 5 мектеп, жылдың соңына дейін Аршалы, Целиноград аудандарында және Степногорск және Көкшетау қалаларында 4 мектепті аяқтау жоспарланған. 2024 жылға ауысатын 2,8 мың орындық 5 мектеп бар», - дейді ведомстводан.
Сонымен қатар, жеке инвестициялар есебінен оқу жылы басталғанға дейін Қосшы қаласында 1500 орындық мектепті пайдалануға беру жоспарлануда.
«Жайлы мектептер» ұлттық жобасы аясында 2023-2025 жылдарға 22,6 мың оқушы орнына 18 мектеп салу жоспарланған. Ұлттық жобаны іске асыру шеңберінде бірыңғай оператор «Samruk-Kazyna Construction» АҚ болып табылады.
Биыл 12 мыңнан астам орындық 9 мектептің құрылысын бастау көзделген. Оның ішінде Целиноград ауданында 7 мектеп бар. Және облыс орталығындағы 2 мектеп. 2024-2025 жылдары – Аршалы, Бурабай, Целиноград, Шортанды аудандарында, Қосшы және Көкшетау қалаларында 10,4 мың оқушыға арналған 9 мектеп қарастырылған.
Айта кетсек, бұдан бұрын Ақмола облысы тұрғындарымен кездескен ҚР Энергетика министрлігінің басшысы Алмасадам Сәтқалиев Көкшетауда жаңа ЖЭО салу жоспарда барын айтқан еді.