Нұр-Сұлтан қаласындағы ЭКСПО ауданында тұрғын үй кешені, «Qazyna» және «Grand Victoria» тұрғын үй нысандарының құрылысы бойынша ақпарат
«Qazyna» деп аталатын эконом-класты жаңа тұрғын үй кешені «Алматы» ауданында, А.Байтұрсынұлы, Ж.Нәжімеденов, Ш.Қалдаяқов, Қ.Әзірбаев және №23-8 көшелерінің қиылысында орналасқан. Салынып жатқан нысан Қ.Қуанышбаев атындағы Қазақ музыкалық драма театрының жанында шоғырланған. «Samruk-Kazyna Construction» АҚ Бас менеджері-жоба жетекшісі Д.К. Бейсековтың айтуынша, қазіргі уақытта құрылыс жұмыстары белсенді жүргізілуде. Атап айтқанда, кейбір блоктар бойынша ішкі әрлеу жұмыстары аяқталды, қасбет сырланып, бірінші қабат қапталды. Терезе блоктарын монтаждау жүзеге асырылып жатыр, ішкі және сыртқы инженерлік желілерді орнату жұмыстары жүргізілуде, сондай-ақ барлық сыртқы қабырға панельдерін және ішкі бөлімдері орнатылды. Жер үсті паркингінің стилобатын гидрооқшаулау жұмыстары басталды. Алдағы уақытта аула аумағы жабық болады, заманауи материалдарды пайдалана отырып абаттандырылады, онда тартан түріндегі резеңке жабыны қолданған балалар ойын алаңдары, көгалдандырумен қоршалған күркелері бар демалыс аймақтары орналасады.
«Grand Victoria» тұрғын үй кешені құрылыс мерзімін қысқартуға мүмкіндік беретін отандық ірі темірбетон панельдерін пайдалана отырып салынуда. Бұл панельдер мен толыққанды еден плиталары аса ірі өлшемдерге ие және үлкен бөліктерге орнатылады. Біздің өңіріміздің климаттық жағдайын ескере отырып, құрылыстың осы технологиясы жоғары жылу-энергия тиімді ұстап, қасбеттік панельдер жауын-шашыннан қорғайды. «Samruk-Kazyna Construction» АҚ Бас менеджері-жоба жетекшісі Д.К. Бейсеков атап өткендей, қазіргі уақытта монолитті темірбетон қаңқадан цокольды және бірінші қабаттарды орнату бойынша жұмыстары жүргізілді, содан кейін ірі панельді элементтерді монтаждау жұмыстарына кіріседі.
Нұр-Сұлтан қаласының Есіл ауданында өндірістік жұмыстар кестесіне сәйкес ЭКСПО ауданында тұрғын үй кешенін салу бойынша құрылыс жұмыстары жалғасуда. «Samruk-Kazyna Construction» АҚ Бас менеджері-жоба жетекшісі Н.Д. Дарменов нысанның құрылыс барысы туралы айтып берді. Құрылысшылар бағандарды, еден плиталарын, сондай-ақ қабырғаларды гидрооқшаулауды бетондауға кірісті. Сонымен қатар, объектінің ішкі және сыртқы қабырғаларының газдалған бетон блоктарын төсеу жүзеге асырылады.
Жобалар құрылысының жоспарланған мерзімдері мен көлемдерін сақтау — «Samruk-Kazyna Construction» АҚ әрбір жоба басшысының негізгі мақсаты болып табылады.